នៅថ្ងៃទី២០ ខែធ្នូ ឆ្នាំ២០២៤នេះ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀងបានអញ្ជេីញជួបពិភាក្សាការងារ និងទទួលរថយន្តចំនួន២គ្រឿង ដែលជាអំណោយរបស់ប្រទេសកូរ៉េតំណាងដោយ Mr An Joong Hyun និងប្រតិភូ នៃអង្គការ Go and Do គឺរថយន្តគិលានសង្គ្រោះបន្ទាន់១គ្រឿង និងរថយន្តពន្លត់អគ្គិភ័យ១គ្រឿង ផ្តល់ជូនដល់រដ្ឋបាលខេត្តស្វាយរៀង សម្រាប់ប្រេីប្រាស់ក្នុងការត្រៀមបង្ការ សង្គ្រោះឧបទ្ទវហេតុផ្សេងៗក្នុងគ្រាមានអាសន្ន ដេីម្បីបម្រេីឲ្យប្រជាពលរដ្ឋក្នុងភូមិសាស្ត្រខេត្ត។
ពិធីនេះក៏មានការអញ្ជេីញចូលរួមពីឯកឧត្តម អភិបាលរងខេត្ត លោកស្នងការរងនគរបាលខេត្ត លោកប្រធានមន្ទីរសុខាភិបាល នៃរដ្ឋបាលខេត្ត និងលោកនាយករងរដ្ឋបាលសាលាខេត្ត ព្រមទាំងមន្ត្រីពាក់ព័ន្ធមួយចំនួនទៀត។
