ពិធីក្រុងពាលីបញ្ចុះបឋមសិលាបើកការដ្ឋានសាងសង់អគាររដ្ឋបាលមូលដ្ឋានកងរាជអាវុធហត្ថស្រុកស្វាយទាប
នៅព្រឹកថ្ងៃទី០២ ខែសីហា ឆ្នាំ២០២៤នេះ ឯកឧត្តម ប៉េង ពោធិ៍សា អភិបាលខេត្តស្វាយរៀង បានអញ្ជេីញជាអធិបតីក្នុងពិធីក្រុងពាលីបញ្ចុះបឋមសិលាបើកការដ្ឋានសាងសង់អគាររដ្ឋបាលមូលដ្ឋានកងរាជអាវុធហត្ថស្រុកស្វាយទាប (ទីតាំងថ្មី) ដែលមានទំហំបណ្តោយ១៦ម៉ែត្តនិងទទឹង១០,៨ម មានកម្ពស់២ជាន់ លើផ្ទៃដីសរុបចំនួន១៣៣១ ម៉ែត្រការ៉េ ស្ថិតនៅភូមិប្រសូតិទី១ ឃុំកណ្តៀងរាយ ស្រុកស្វាយទាប ខេត្តស្វាយរៀង។
ពិធីនេះមានការអញ្ជើញចូលរួមពីសំណាក់ ឯកឧត្តមប្រធានសាលាដំបូងខេត្ត ឯកឧត្តម ព្រះរាជអាជ្ញា ឯកឧត្តមអភិបាលរងខេត្ត លោកស្នងការនគរបាលខេត្ត លោកមេបញ្ជាការតំបន់ប្រតិបត្តិការសឹករងខេត្ត លោកមេបញ្ជាការ មេបញ្ជាការរងកងរាជអាវុធហត្ថខេត្ត លោកអភិបាលស្រុកស្វាយទាប លោកប្រធានមន្ទីរនានាជុំវិញខេត្ត និងកងកម្លាំងទាំង៣ផងដែរ។
